பனாமா பேப்பர்ஸ் கசிவு: சர்வதேச பெரும்புள்ளிகளின் பணப் பதுக்கல்கள்!!

Monday, April 4, 2016admin
asath

உலகம் முழுவதும் அரசியல் முக்கியஸ்தர்கள், திரை நட்சத்திரங்கள், விளையாட்டு வீரர்கள் என பிரபலங்கள் பலர் தங்கள் கணக்கில் வராத சொத்துக்களை பனாமா நாட்டில் எவ்வளவு பதுக்கி வைத்திருக்கிறார்கள், எப்படி எல்லாம் வரி ஏய்ப்பு செய்துள்ளார்கள் என்ற தகவல் கசிந்துள்ளது. இதுதான் ‘பனாமா பேப்பர்ஸ்’. விக்கிலீக்ஸ் மாதிரி இதுவும் ஒரு தகவல் கசிவு விவரம்.

பன்னாட்டு ஊடகங்கள் பலவற்றின் இன்வெஸ்டிகேவ் ஜர்னலிஸம் (புலனாய்வு இதழியல்) இந்த தகவல் கசிவின் பின்னணியில் இருக்கிறது என்பது குறிப்பிடத்தக்கது.

வாஷிங்டன்னை தலைமையிடமாகக் கொண்டு செயல்படும் புலனாய்வு இதழியலாளர்கள் சர்வதேச கூட்டியக்கம் (International Consortium of Investigative Journalism) நேற்று (ஞாயிற்றுக்கிழமை) ‘பனாமா பேப்பர்ஸ்’ என்ற தலைப்பில் பல தகவல்களை அம்பலப்படுத்தியுள்ளது. 11.5 மில்லியன் தகவல் தரவுகளைத் திரட்டியுள்ளது.

புதின், மெஸ்ஸி.. இன்னும் பலர்

இந்த பட்டியலில் ரஷ்ய அதிபர் விளாடிமிர் புதின், பார்சிலோனா கால்பந்து வீரர் லியோனல் மெஸ்ஸி இடம்பெற்றிருக்கின்றனர். வரலாற்று முக்கியத்துவம் வாய்ந்த இந்தப் புலனாய்வில் 140 அரசியல் புள்ளிகளின் வரி ஏய்ப்பு, பண பதுக்கல் அம்பலமாக்கியிருக்கிறது. இந்த 140 அரசியல் பிரபலங்களில் 12 பேர் இன்னாள், முன்னாள் தலைவர்கள் என்பது குறிப்பிடத்தக்கது.

இந்தியாவிலிருந்து..

இந்த ஆவணங்களை அம்பலப்படுத்திய ஊடகவியலாளர்கள் குழுவில் இந்தியாவின் சார்பில் ‘தி இந்தியன் எக்ஸ்பிரஸ்’ செய்தியாளர்களும் இடம் பெற்றிருந்தனர். பாலிவுட் நடிகர்கள் அமிதாப் பச்சன், ஐஸ்வர்யா ராய், டி.எல்.எப். உரிமையாளர் கே.பி.சிங், வினோத் அதானி ஆகியோர் பனாமா பேப்பர்ஸ் பட்டியலில் இடம்பெற்றுள்ளதாக ‘தி இந்தியன் எக்ஸ்பிரஸ்’ பத்திரிகை தெரிவித்துள்ளது.

ஸ்விஸ் வங்கிக்கும் பனாமா வங்கிக்கும் என்ன வித்தியாசம்?

ஸ்விஸ் வங்கிகளில் தனி நபர்கள் தங்கள் பெயரிலேயே வங்கி கணக்கு ஆரம்பிக்க முடியும். ஆனால் பனாமா வங்கியில் அது சாத்தியமில்லை. பனாமா வங்கியில் ஒருவர் சேமிப்பு கணக்கு தொடங்க வேண்டுமானால் அந்நாட்டில் ஒரு தொழில் நிறுவனத்தை தொடங்க வேண்டும். அந்த நிறுவனத்தை தொடர்ந்து நடத்த வேண்டும் என்றுகூட அவசியமில்லை. அவ்வாறாக தொடங்கப்பட்ட நிறுவனத்தின் வங்கிக் கணக்கில் தொடர்ந்து பணத்தை சேமிக்கலாம். இதற்கு பெயர்தான் ஷெல் கம்பெனி (Shell Company).

தகவல் பெறப்பட்டது எப்படி?

வெளிநாட்டு வங்கிகளில் பெருமளவில் பணம் முதலீடு செய்பவர்கள் விவரங்களை சம்பந்தப்பட்ட வங்கிகள் உச்சபட்ச ரகசியமாக பேணும் நிலையில் பிரபலங்கள் பலரை இப்படி அம்பலப்படுத்தும் வகையில் தகவல் எப்படி கசிந்தது என்பது சுவாரஸ்யமானது.

இது குறித்து முனிச் நகரில் இருந்து செயல்படும் சுடட்சே ஜெய்துங் (Sueddeutsche Zeitung) என்ற நாளிதழின் நிருபர் பாஸ்டியன் ஓபர்மேயர் கூறும்போது, “அடையாளத்தை வெளியிடாத உள்வட்டாரம் ஒன்று எங்களுக்கு இத்தகவலை வழங்கியது. அவர்கள் இதற்காக பண பலன் ஏதும் எதிர்பார்க்கவில்லை. ஆனால், தங்கள் அடையாளம் எவ்விதத்திலும் வெளியாகிவிடக்கூடாது என்பதை மட்டும் வலியுறுத்தினர்” என்றார்.

பனாமா அதிபர் உறுதி

பனாமா பேப்பர்ஸ் தகவல் கசிவு பெரும் சர்ச்சையை ஏற்படுத்திவரும் நிலையில், பனாமா நாட்டு அதிபர் ஜூவான் கார்லஸ் வெரெலா விடுத்துள்ள அறிக்கையில், “பனாமா நிதித் துறையில் எவ்வித முறைகேட்டுக்கும் இடமில்லை என்பதில் உறுதியாக இருக்கிறோம். தற்போது கசிந்துள்ள ஆவணங்கள் தொடர்பாக முழுமையான நீதி விசாரணைக்கு ஒத்துழைக்க தயாராக இருக்கிறோம்” என்றார்.

கால்கள் இல்லாமல், 16 வருடங்களாக மருத்துவம் பார்க்கும் மருத்துவர்!!

Friday, April 1, 2016admin
asath

சீனாவின் சோங்க்விங் மாகாணத்தில் வாடியன் கிராமத்தில் வசிக்கிறார் 37 வயது லி ஜுஹாங். இரண்டு கால்களையும் விபத்தில் இழந்த லி, 16 வருடங்களாக மக்களுக்கு மருத்துவம் பார்த்து வருகிறார். 4 வயதில் ஒரு ட்ரக் கால்களில் ஏறியதில், இரண்டு கால் களையும் இழந்துவிட்டார் லி. உயிர் பிழைத்ததே பெரிய விஷயமாகி விட்டது. 4 ஆண்டுகள் அமைதியாக முடங்கிக் கிடந்தவர், 8 வயதில் நகர முயற்சி செய்தார். இரண்டு கைகளுக்கும் இரண்டு நாற்காலி களை வைத்துக்கொண்டு, நகர ஆரம்பித்தார். நகர முடியாதபோது நாற்காலிகளில் அமர்ந்துகொள்வார். பள்ளி செல்ல ஆரம்பித்தவருக்கு மருத்துவராக வேண்டும் என்ற கனவு இருந்தது. சிறப்பாகப் படித்து, மருத்துவப் பட்டமும் பெற்றார் லி.

தனது கிராமத்திலேயே ஒரு க்ளினிக் ஆரம்பித்து, மருத்துவம் பார்த்து வருகிறார். லியின் குணத்தைப் புரிந்துகொண்ட அதே கிராமத்தைச் சேர்ந்த லியு ஸிங்கியான், அவரைத் திருமணம் செய்துகொண்டார். ‘’என் கணவர் எனக்குக் கால்கள் இல்லாத குறையே தெரியாதவாறு கவனித்துக்கொள்கிறார். அருகில் உள்ள கிராமங்களுக்கு மருத்துவம் பார்க்க வேண்டும் என்றால் என்னை அழைத்துக்கொண்டு செல்வார். இதுவரை 6 ஆயிரம் பேருக்கு மருத்துவம் செய்திருக்கிறேன். எனக்குக் கால்கள் இல்லாவிட்டாலும் எத்தனையோ உயிர்களைக் காப்பாற்ற முடிகிறது என்ற நிறைவே போதுமானது’’ என்கிறார் லி. கடந்த 15 ஆண்டுகளில் 24 நாற்காலிகளை நடப்பதற்குப் பயன்படுத்தியிருக்கிறார் லி. இவரது 12 வயது மகன், தன் அம்மாவைப் போலவே மருத்துவராக வேண்டும் என்று விரும்புகிறான்.

தன்னம்பிக்கை என்பதை ’லி’ என்றும் அழைக்கலாம்!

மலேசியாவில் உள்ள டெஸ்கோ ஹைபர்மார்க்கெட்டில் ஒருவர் பொருட்களைத்

எகிப்து விமானத்தில் கடத்தல் காரருடன் புகைப்படம் !!

Thursday, March 31, 2016admin
asath

சமீபத்தில் கடத்தப்பட்ட எகிப்து விமானத்தில், பணயக்கைதியாக இருந்த பிரிட்டைனைச் சேர்ந்த பெஞ்சமின் என்பவர் எடுத்துக்கொண்ட புகைப்படம் ஒன்று பிரபலமாகி வருகிறது. அதன் காரணம், அவர் புகைப்படம் எடுத்துக்கொண்டது, விமானத்தைக் கடத்தியவருடன்.

சில நாட்களுக்கு முன்பு ஈஜிப்ட்ஏர் நிறுவனத்துக்கு சொந்தமான விமானம் ஒன்று கடத்தப்பட்டு சைப்ரஸில் தரையிறக்கப்பட்டது. ஆனால் இதில் தீவிரவாதிகள் யாரும் சம்பந்தப்படவில்லை. முஸ்தஃபா என்ற மனநலம் பாதிக்கப்பட்டவரே இதற்குக் காரணம். அவரும் கைதுசெய்யப்பட்டார்.

இந்தக் கடத்தல் சம்பவத்தின்போது, பணயக்கைதியாக பிடிக்கப்பட்டிருந்த, பிரிட்டைனைச் சேர்ந்த பெஞ்சமின் இன்னெஸ் என்பவர், முஸ்தஃபாவுடன் புகைப்படம் எடுத்துக்கொண்டுள்ளார்.

இது பற்றி பேசிய பெஞ்சமின், “அவர் ஏன் விமானத்தைக் கடத்தினார் எனத் தெரியவில்லை. நான் ஜாக்கிரதையாக இருந்தேன், ஆனால் அந்த நிலையில் சிறிது உற்சாகமாகவும் இருக்க நினைத்தேன். அவர் வயிற்றில் கட்டியிருந்த வெடிகுண்டு நிஜமாக இருக்கும் பட்சத்தில் நான் இழக்க எதுவுமில்லை. அந்த மனநிலையில் தான் புகைப்படம் எடுத்துக்கொண்டேன். வெடிகுண்டு என்று அவர் கட்டியிருந்த உடையை அருகில் சென்றும் பார்த்தேன்” என்றார்.

58 வயதான முஸ்தஃபா தற்போது 8 நாட்களில் போலீஸ் காவலில் வைக்கப்பட்டுள்ளார். தனது முன்னாள் மனைவியையும், குழந்தைகளையும் பார்க்கவே விமானத்தை கடத்தி திசை திருப்பி தரையிறங்கச் சொன்னதாக முஸ்தஃபா போலீஸில் தெரிவித்தார்.

முஸ்தஃப்பாவை மனநலம பாதிக்கப்பட்டவர் எனக் கூறும் அதிகாரிகள், அவர் மீது விமானக் கடத்தல், பொறுப்பற்ற – அச்சுறுத்தும் நடத்தை ஆகிய பிரிவுகளில் வழக்கு பதிவு செய்துள்ளனர்.

சைப்ரஸில் இருக்கும் முஸ்தஃபாவை ஒப்படைக்குமாறு எகிப்து அரசாங்கம் கேட்டுக்கொண்டுள்ளது. முஸ்தஃபா இதற்கு முன்பே குற்றச் செயல்கள் புரிந்து ஒரு வருடம் சிறை தண்டனை அனுபவித்தவர் என்பது குறிப்பிடத்தக்கது.

பிரஸல்ஸ் தாக்குதலில் ஈடுபட்டவர்கள் சகோதரர்கள்!!

Wednesday, March 23, 2016admin
asath

பெல்ஜியம் தலைநகர் பிரஸல்ஸ் நகரில் உள்ள ஜவென்டம் விமான நிலையம், மெட்ரோ ரயில் நிலையத்தில் நேற்று முன்தினம் அடுத்தடுத்து நிகழ்த்தப்பட்ட தற்கொலைப்படை மனித வெடிகுண்டு தாக்குதலில் 34 பேர் உடல் சிதறி பலியானார்கள். சுமார் 130-க்கும் மேற்பட்டோர் காயமடைந்தனர். இந்தத் தாக்குதலுக்கு ஐஎஸ் தீவிரவாத இயக்கம் பொறுப்பேற்றுக் கொண்டது.

இந்தத் தாக்குதலை காலித் மற்றும் இப்ராஹிம் எல் பக்ராவ் ஆகிய இருவரும் நடத்தியிருக்கலாம் என அந்நாட்டு செய்தி நிறுவனமான ஆர்டிபிஎப் தெரிவித்துள்ளது.

சகோதரர்களான இவர்கள் இருவரும் பிரஸல்ஸ் நகரில் கடந்த வாரம் போலியான பெயரில் ஒரு அடுக்குமாடி குடியிருப்பை வாடகைக்கு எடுத்து தங்கி உள்ளனர். அந்த இடத்தில் நடத்திய சோதனையில், கைது செய்யப்பட்டுள்ள அப்தெஸ்லாமின் கை ரேகைகள் கண்டுபிடிக்கப்பட்டதாகவும் அந்த நிறுவனம் தெரிவித்துள்ளது.

பாரீஸ் தாக்குதலில் தேடப்பட்டு வந்த அப்தெஸ்லாமை போலீஸார் கடந்த வெள்ளிக்கிழமை கைது செய்தனர். இது பெல்ஜியம் நாட்டின் தீவிரவாதத்துக்கு எதிரான போராட்டத்துக்குக் கிடைத்த வெற்றி என கருதப்பட்டது.

சூட்கேஸில் வெடிகுண்டு

இதனிடையே விமான நிலையத்திலிருந்த சிசிடிவியில் பதிவான காட்சிகளை ஆய்வு செய்ததில், தீவிரவாதிகள் வெடிகுண்டுகளை சூட்கேஸில் மறைத்து கொண்டுவந்து வெடிக்கச் செய்திருக்கலாம் என்று அந்நாட்டு நாளிதழ் ஒன்று செய்தி வெளியிட்டுள்ளது.

ஒரு டாக்சியில் வந்த 3 பேர் சூட்கேஸுடன் விமான நிலையத்தில் இறங்கி உள்ளனர். பின்னர் 3 பேரும் தனித்தனியாக தங்களது உடமைகளை ட்ராலியில் வைத்து தள்ளிக் கொண்டு செல்வது போன்ற காட்சி பதிவாகி உள்ளது. அதன் பிறகுதான் குண்டுகள் வெடித்துள்ளன.

பிரஸ்ஸல்சில் நிகழ்ந்த குண்டுத் தாக்குதல்களைத்

Wednesday, March 23, 2016admin
asath

பிரஸ்ஸல்சில் இன்று காலை நிகழ்ந்த குண்டுத் தாக்குதல்களைத் தொடர்ந்து கனடாவின் முக்கிய போக்குவரத்து மையங்களில் பாதுகாப்பு பலப்படுத்தப்பட்டுள்ளது.

Union புகையிரத நிலையம் உட்பட கனடாவின் பிரதான நகரங்களின் போக்குவரத்து மையங்களில் மேலதிக பாதுகாப்பு நடவடிக்கைகள் உடனடியாக நடைமுறைப்படுத்தப்பட்டுள்ளன.

ரொறன்ரோ போக்குவரத்துச் சபை தனது ஊழியர்களை விழிப்புடன் இருக்கமாறு அறிவுறுத்தியுள்ளது.

பிரஸ்ஸல்சிற்கான தமது விமான சேவைகள் சில இரத்துச் செய்யப்படலாம் என Air Canada விமான சேவை அறிவித்துள்ளது.

31பேர் பலியான இன்றைய தாக்குதல்களை கனடிய பிரதமர் ஜஸ்டின் ரூடோ வன்மையாகக் கண்டித்துள்ளார்.

இந்தத் தாக்குதலில் கனடியர்கள் எவரும் கொல்லப்படவோ அல்லது காயமடையவோ இல்லை என கனடிய வெளிவிவகார அமைச்சு தெரிவித்துள்ளது.

பிரஸ்ஸல்சில் உள்ள கனடியத் துாதரகம், களநிலமை‌களை அவதானித்துவருவதாக வெளிவிவகார அமைச்சு கூறியுள்ளது.

பெல்ஜியத்திற்கான பிரயாண எச்சரிக்கைகள் எதுவும் தற்போது விடுக்கப்படவில்லை எனக் கூறியுள்ள வெளிவிவகார அமைச்சு, அங்கு தேன்றியுள்ள பயங்கரவாத அச்சுறுத்தல் காரணமாக பயணம் மேற்கொள்ளும் கனடியர்களை எச்சரிக்கையுடன் இருக்கமாறு அறிவுறுத்தியுள்ளது.

ரஷ்யாவில் துபாய் விமானம் வெடித்துச் சிதறியது!!

Monday, March 21, 2016admin
asath

ரஷ்யாவில் நேற்று காலையில் தரையிறங்கிய துபாய் விமானம், ஓடுபாதையை விட்டு விலகிச் சென்றதால் வெடித்துச் சிதறி அதிலிருந்த 2 இந்தியர்கள் உட்பட 62 பேர் பலியாயினர்.

துபாய் விமான போக்கு வரத்துக்கழகத்தின் பிளைதுபாய் நிறுவனத்துக்கு சொந்தமான எப்.இசட்.981 (போயிங் 737 ரக) விமானம், துபாயிலிருந்து தெற்கு ரஷ்யாவின் ரோஸ்டோவ்-ஆன்-டான் நகருக்கு சென்றுகொண் டிருந்தது. நேற்று காலையில் ரோஸ்டோவ் விமான நிலையத் தைச் சென்றடைந்தபோது மோசமான வானிலை நிலவியது.

இதனால் தரையிறங்காமல் வானத்தில் வட்டமடித்த அந்த விமானம், 2-வது முறையாக தரையிறங்க முயற்சி செய்தபோது ஓடுபாதையை விட்டு விலகியதால் பயங்கர சத்தத்துடன் வெடித்துச் சிதறியது. அப்போது பயங்கர தீப்பிழம்பு ஏற்பட்டதை உள்ளூர் தொலைக்காட்சி சேனல்கள் ஒளிபரப்பின.

இந்த விபத்து குறித்து ரஷ்ய அதிகாரிகள் கூறும்போது, “விமானத்தில் 55 பயணிகளும் 7 ஊழியர்களும் இருந்ததாகக் கூறப் படுகிறது. இவர்கள் அனைவரும் விபத்தில் பலியாயினர்” என்றார். இந்த தகவலை பிளைதுபாய் விமான நிறுவனமும் தனது முகநூல் பக்கத்தில் உறுதி செய்துள்ளது. விபத்தில் பலியான வர்களில் இந்தியாவைச் சேர்ந்த அஞ்சு கதிர்வேல் ஐயப்பன் மற்றும் மோகன் ஷ்யாம் ஆகிய இருவரும் அடங்குவர் என இந்திய வெளியுறவுத் துறை செய்தித் தொடர்பாளர் விகாஸ் ஸ்வரூப் தெரிவித்துள்ளார்.

இதுதவிர, ரஷ்யா (44), உக்ரைன் (8), உஸ்பெகிஸ்தான் (1) நாடுகளைச் சேர்ந்தவர்களும் இந்த விபத்தில் பலியாகி உள்ளனர். விபத்து நடந்த பகுதியில் மீட்புப் பணி நடைபெற்று வருகிறது. இந்த விபத்து காரணமாக அந்த விமான நிலையத்தில் விமான போக்குவரத்து பாதிக்கப்பட்டுள்ளது.

அமெரிக்காவின் அடுத்த அதிபர் யார்..

Friday, March 18, 2016admin
asath

அமெரிக்க அதிபர் தேர்தலில் ஆளும் ஜனநாயக கட்சியின் வேட்பாளர் போட்டியில் ஹிலாரி கிளிண்டனும் குடியரசு கட்சி வேட்பாளர் போட்டியில் டொனால்டு டிரம்பும் முன்னிலையில் உள்ளனர்.

அதிபர் வேட்பாளர் தகுதி அமெரிக்க அதிபர் தேர்தலில் வேட்பாளராக போட்டியிட 3 அடிப்படை தகுதிகள் அவசியம். அந்த நாட்டின் சட்டபூர்வ குடிமகனாகப் பிறந்திருக்க வேண்டும். குறைந்த பட்சம் 35 வயது நிறைவடைந்திருக்க வேண்டும். அமெரிக்காவில் 14 ஆண்டுகள் வசித்திருக்க வேண்டும்.

இவை அடிப்படை விதியாக இருந்தாலும் அவ்வளவு எளிதாக யாரும் அதிபர் வேட்பாளராக முடியாது. அந்த நாட்டின் எழுதப்படாத சட்டத்தின்படி, மாகாண ஆளுநர்கள், செனட்டர்கள், ஐந்து நட்சத்திர அந்தஸ்துடைய ராணுவ தளபதிகள் அல்லது மெகா கோடீஸ்வர அரசியல் தலைவர்களே அதிபர் வேட்பாளராக போட்டியிட முடியும்.

டிரம்பா, குரூஸா? குடியரசு கட்சியில் மெகா கோடீஸ்வர தொழிலதிபர் டொனால்டு டிரம்ப் முன்னிலையில் உள்ளார். அவர் 621 பிரதிநிதிகள் வாக்குகளைப் பெற்றுள்ளார். அவருக்கு அடுத்து டெக்சாஸ் செனட்டர் டெட் குரூஸ் 396 வாக்கு களைப் பெற்றுள்ளார்.

குடியரசு கட்சியில் அதிபர் வேட் பாளராக 1237 பிரதிநிதிகள் வாக்கு களைப் பெற வேண்டும். அந்த கட்சி தரப்பில் இன்னமும் 21 மாகாணங்களில் உட்கட்சித் தேர்தல் நடத்தப்பட உள்ளது. அதில் வெற்றி பெறுவது டிரம்பா, குரூஸா என்பது ஜூன் இறுதிக்குள் தெரிந்துவிடும்.

இதைத் தொடர்ந்து ஜூலையில் இருகட்சிகளும் தங்களது வேட்பாளர்களை அதிகாரப்பூர்வமாக அறிவிக்கும். அதன் பின்னரே அமெரிக்க அதிபர் தேர்தல் களம் சூடுபிடிக்கும்.

முழு சூரிய கிரகணம்: இருளில் மூழ்கிய இந்தோனேசியாவின் சில பகுதிகள்!!

Thursday, March 10, 2016admin
asath

முழு சூரிய கிரகணத் தாக்கத்தினால் இந்தோனேசியாவின் சில பகுதிகள் 2 நிமிடங்களுக்கும் மேல் இருளில் மூழ்கியது.

முழு சூரிய கிரகணம் புதன் காலை 5.30 மணி முதல் 9.30 மணி வரை ஏற்பட்டது. இந்த சூரிய கிரகணத்தை உலகின் பல பகுதிகளிலும் மக்கள் கண்டு களித்தனர். இந்த சூரிய கிரகணத்தினால் இந்தோனேசியாவின் சில பகுதிகள் 2 நிமிடங்களுக்கும் மேல் இருளில் மூழ்கியது.

இந்தோனேசியாவின் மத்திய சுலாவேஸி மாகாணத்தின் சிகி பிரோமரு என்ற மலை ஊரில் குழந்தைகள் உட்பட ஆயிரக்கணக்கானோர்கூடி 2 நிமிடங்களுக்கும் மேல் சூரியன் முழுதும் மறைந்ததை குதூகலத்துடன் கைதட்டி ஆரவாரமாக ரசித்தனர்.

இந்த முழு சூரிய கிரகணத்தை இந்தோனேசியாவின் சில பகுதிகளிலும் ஆஸ்திரேலியாவிலும் முழுமையாகக் காண முடிந்தது. சென்னையில் காலையில் 6.22 மணி முதல் சில நிமிடங்களுக்கு இந்த சூரிய கிரகணத்தைக் காண முடிந்த்து.

இந்தியாவின் பிற பகுதிகளிலும் பாதி சூரிய கிரகணத்தையே காண முடிந்தது.

இந்தோனேசியாவின் சிகி பிரோமரு ஊரைச் சேர்ந்த ஜுனாஸ் அமிர் கூறும்போது, “சூரியன் முற்றிலும் மறைந்தது. நல்ல சூரிய ஒளி நிரம்பிய இந்தக் காலை வேளையில் திடீரென சூரியன் முழுதும் மறைந்து திடீரென இருளில் மூழ்கியது பார்க்க ஆச்சரியமாக இருந்தது” என்றார்.

நாசா பரிசோதனை வெற்றி!!

Thursday, March 10, 2016admin
asath

வேற்று கிரகங்களில் விண்கலத்தை பத்திரமாக தரையிறக்கும் வெப்ப தடுப்பு கவச தொழில்நுட்பத்தை நாசா வெற்றிகரமாக பரிசோதித்துப் பார்த்துள்ளது.

செவ்வாய் கிரகம் உட்பட வேற்று கிரங்கள் பற்றிய ஆராய்ச்சியில் அமெரிக்க விண்வெளி ஆய்வு நிறுவனமான நாசா தீவிரமாக ஈடுபட்டுள்ளது. இதற்காக பல விண் கலங்களையும் செலுத்தி உள்ளது. எனினும், வேற்று கிரகத்தில் விண் கலத்தை தரையிறக்கி ஆராய்ச்சி செய்வதில் பல சிக்கல்கள் நீடிக்கின்றன. குறிப்பாக வேற்று கிரகத்தின் ஈர்ப்பு விசை, அதிகப்பட்ச வெப்ப நிலை போன்றவற்றால் விண்கலம் பாதிக்கப்படும் அபாயம் உள்ளது.

வேற்று கிரகத்தின் எல்லைக்குள் நுழையும் போது, அங்குள்ள கடும் வெப்பத்தால் விண்கலம் எரிந்து போகலாம். அல்லது வேற்று கிரகத்தின் ஈர்ப்பு விசையால் விண் கலம் தரையில் மோதி சேதம் அடைய வாய்ப்புள்ளது. இந்தப் பிரச்சினைகளுக்கு தீர்வு காண, நாசாவின் லாங்லே ஆராய்ச்சி மைய இன்ஜீனியர்கள் புதிய தொழில்நுட்பத்தை கண்டு பிடித்துள்ளனர்.

அதன்படி, பாராசூட் போல செயல்படும் வகையில் வட்ட வடியில் (டோநட் போல) ஒரு கருவியை கண்டுபிடித்துள்ளனர். அதற்கு டாரஸ் என்று பெயரிட்டுள்ளனர். ஹைபர்சோனிக் இன்பிளாடபிள் ஏரோடைனமிக் டிசெலரேட்டர் (எச்ஐஏடி) என்ற இந்த தொழில் நுட்பத்தின் மூலம் டாரஸ் கருவி பாராசூட் போல விண்கலத்தை மெதுவாக வேற்று கிரகத்தில் தரை யிறக்கும். அத்துடன் வேற்று கிரகத்தின் கடும் வெப்பத்தில் இருந்து விண்கலத்தை பாதுகாக்கும் கவசமாகவும் செயல்படும்.

இந்தக் கருவியை ராக்கெட்டில் பொருத்துவது, அதில் இருந்து கழற்றுவது போன்ற பரிசோதனைகளை நாசா வெற்றிகரமாக செய்துள்ளது. மேலும், சிறிய அளவிலான டாரஸ் கருவி மூலம் வேற்று கிரகத்தில் விண்கலத்தை தரையிறக்குவது போல பரிசோதனை நடத்திப் பார்த்தது. இதில் குறிப் பிடத்தக்க வெற்றி கிடைத்துள்ளது. இதையடுத்து பெரிய அளவில் டாரஸ் கருவியை செய்து ராக்கெட் டுடன் இணைத்து விண்கலத்தை செலுத்த நாசா திட்டமிட்டுள்ளது. இந்தக் கருவி செவ்வாய் கிரகத்தில் விண்கலத்தை தரையிறக்கும் போது பயன்படுத்தப்படும் என்று தெரிகிறது.

ஆஸ்கர் விருதை ஹோட்டலில் மறந்து சென்ற டி கேப்ரியோ!!

Sunday, March 6, 2016admin
asath

ஹாலிவுட் நடிகர் டி கேப்ரியோ தனக்கு வழங்கப்பட்ட ஆஸ்கர் விருதை ஹோட்டலில் மறந்து விட்டுச் செல்லும் வீடியோ காட்சி வெளியாகியுள்ளது.

ஹாலிவுட் திரையுலகின் மிக உயரிய கவுரவமாகக் கருதப்படும் ஆஸ்கர் விருதுகள் வழங்கும் விழா அமெரிக்காவின் லாஸ் ஏஞ்சல்ஸ் நகரில் அண்மையில் நடைபெற்றது. இதில் சிறந்த நடிகர் விருதை ‘தி ரெவனன்ட்’ படத்தில் நடித்த லியனார்டோ டி கேப்ரியோ பெற்றார்.

இந்நிலையில் ஹாலிவுட்டில் டால்ஃபி தியேட்டரில் நடந்த விருது நிகழ்ச்சிக்கு பிறகு, அங்குள்ள எகோ என்ற ஹோட்டலுக்கு டி கேப்ரியோ சென்றார். பின்னர் ஹோட்டலில் இருந்து வெளியேறி டி கேப்ரியோ காரில் ஏறும்போது, ஒருவர் ஓடிவந்து ஆஸ்கர் விருதை அவரிடம் தரும் வீடியோ காட்சி வெளியாகியுள்ளது.

அப்போது அந்த நபர் டி கேப்ரியோவிடம் “இது உங்களுடன் இருப்பதில் உங்களுக்கு விருப்பம்தானே?” என்று கேட்பதும் வீடியோவில் பதிவாகியுள்ளது