மே.இ.தீவுகள் அபார வெற்றி: இந்தியாவை வீழ்த்தி இறுதிக்குள் நுழைவு!!

Thursday, March 31, 2016admin
asath

மும்பையில் நடைபெற்ற உலகக்கோப்பை டி20 அரையிறுதியில் இந்திய அணியை 7 விக்கெட்டுகள் வித்தியாசத்தில் வீழ்த்தி மேற்கிந்திய தீவுகள் அணி இறுதிப் போட்டியில் இங்கிலாந்தை சந்திக்கிறது.

193 ரன்கள் என்ற மிகப்பெரிய இலக்கைத் துரத்திய மே.இ.தீவுகள் அணி 19.4 ஓவர்களில் 3 விக்கெட்டுகள் இழப்புக்கு 196 ரன்கள் எடுத்து அபார வெற்றி பெற்று இந்தியாவை வெளியேற்றி இறுதியில் இங்கிலாந்தைச் சந்திக்கிறது.

கடைசி 2 ஓவர்களில் 20 ரன்கள் தேவை என்ற நிலையில் நெஹ்ரா, பும்ரா, பாண்டியா ஓவர்கள் முடிய, அஸ்வினுக்கு பதிலாக தோனி ஜடேஜாவிடம் பந்தைக் கொடுக்க, 19-வது ஓவரில் முதல் 4 பந்துகளில் 2 ரன்களையே கொடுத்தார் ஜடேஜா, ஆனால் மீண்டும் ஒரு லெந்த் பந்து விழ ரசல் அதனை நேராக சிக்ஸ் அடித்தார். அதோடு இல்லாமல் கடைசி பந்தை கவர் திசையில் சக்தி வாய்ந்த ஷாட் ஒன்றை ரசல் ஆடி பவுண்டரியும் அடிக்க அந்த ஓவரில் 12 ரன்கள் வந்தது.

கடைசி ஓவரில் 8 ரன்கள் தேவை என்ற நிலையில் ஏற்கெனவே விக்கெட் ஒன்றையும் கைப்பற்றிய விராட் கோலியிடம் கடைசி ஓவர் பொறுப்பு ஒப்படைக்கப்பட்டது. அவர் 2 பந்துகளில் 1 ரன்னையே கொடுத்தார், ஆனால், 3-வது பந்தை ஸ்கொயர் லெக் இடைவெளியில் பவுண்டரி அடித்தார் ரஸல், பிறகு 4-வது லெந்த் பந்தை டீப் மிட்விக்கெட்டில் மிகப்பெரிய சிக்ஸ் அடிக்க அதுவே வெற்றி ஷாட்டாக அமைய மே.இ.தீவுகளின் கொண்டாட்டம் தொடங்கியது.

பரபரப்பு ஆட்டத்தில் வங்கதேசத்தை வீழ்த்தி இந்தியா த்ரில் வெற்றி!!

Wednesday, March 23, 2016admin
asath

இந்தியா – வங்கதேசம் அணிகளுக்கு இடையே இன்று நடைபெற்ற டி20 உலகக்கோப்பை கிரிக்கெட் ஆட்டத்தில், இந்திய அணி 1 ரன் வித்தியாசத்தில் வெற்றி கண்டது. கடைசி ஓவரில் வெற்றிக்கு 11 ரன்கள் தேவைப்பட்ட நிலையில் வங்கதேச அணி 6 விக்கெட்டுகளுக்கு 136 ரன்களை எடுத்திருந்தது. களத்தில் மஹமதுல்லாவும், முஸ்தஃபிர் ரஹிமும் இருக்க, பாண்டியா பந்துவீசினார்.

முதல் பந்தில் மஹமதுல்லா 1 ரன் எடுக்க, அடுத்த இரண்டு பந்துகளும் பவுண்டரிக்கு விரைந்தது. ஆட்டம் முடிந்தது, வங்கதேசம் வென்றுவிடும் என்று ரசிகர்கள் நினைத்துக் கொண்டிருக்க, இரண்டு பந்துகளில் இரண்டு விக்கெட்டுகளை பாண்டிய எடுக்க, ஆட்டம் மீண்டும் பரபரப்பானது.

கடைசி பந்தில் 2 ரன்கள் வெற்றிக்கு தேவை என்ற நிலையில், ஷுவகதா ஹோம் எதிர்கொண்டார். பாண்டியா வீசிய பந்து மட்டைக்கு எட்டாமல், ஆஃப் ஸைட் உயர சென்று தோனியின் கைகளில் தஞ்சமடைந்தது. பந்தை அடிக்கவில்லையென்றாலும் ரன் எடுக்க இரண்டு பேட்ஸ்மென்களும் விரைந்தனர். கையில் உறை அணியாமல் இதற்காகவே காத்திருந்த தோனி, பந்தை பிடித்து ஓடி வந்து உடனடியாக ரன் அவுட் செய்தார். இதனால் இந்தியா 1 ரன் வித்தியாசத்தில் த்ரில் வெற்றி கண்டது.

சிறப்பாக பந்துவீசிய அஸ்வின் ஆட்டநாயகனாக தேர்ந்தெடுக்கப்பட்டார்.

உ.கோ.டி20: நியூஸிலாந்து அபார வெற்றி!!

Friday, March 18, 2016admin
asath

தரம்சலாவில் நடைபெற்ற டி20 உலகக்கோப்பை போட்டியில் ஆஸ்திரேலியாவை, நியூஸிலாந்து அணி 8 ரன்கள் வித்தியாசத்தில் அபார வெற்றி பெற்று 2-வது வெற்றியைப் பதிவு செய்தது.

முதலில் பேட் செய்த நியூஸிலாந்து 8 விக்கெட்டுகள் இழப்புக்கு 142 ரன்களே எடுத்தது. ஆனால் தொடர்ந்து ஆடிய ஆஸ்திரேலியா 7-வது ஓவரில் 51/1 என்று வலுவாகச் சென்று கொண்டிருந்தது. ஆனால் அதன் பிறகு ஸ்மித், கவாஜா, வார்னர் ஆகியோர் அடுத்தடுத்து ஆட்டமிழக்க 51/1 என்பதிலிருந்து 66/4 என்று ஆனது ஆஸ்திரேலியா, நியூஸிலாந்து மீண்டும் போட்டிக்குள் வந்ததற்கு சாண்ட்னர், ஐ.எஸ். சோதி ஆகியோரது அபாரப் பந்து வீச்சும் அற்புதமான பீல்டிங்கும் காரணமாகும். கடைசியில் பிடித்த கேட்ச்கள் நெருக்கடி தருணங்களில் கடினமான கேட்ச்கள் என்பது குறிப்பிடத்தக்கது.

ஆஸ்திரேலியாவின் மிடில் ஆர்டர் பலவீனம் மீண்டும் வெளிப்பட்டது. இதுதான் அந்த அணியின் மிகப்பெரிய பலவீனம். அதனை நியூஸிலாந்து நன்றாகப் பயன்படுத்திக் கொண்டது.

2015 உலக கிண்ண ரக்பி தொடரில் இருந்து துரதிஷ்டவசமாக வெளியேறியது ஜப்பான்

Monday, October 19, 2015admin
asath
உலக கிண்ண ரக்பி தொடர் ஒன்றில் குழுநிலையில்மூன்று போட்டிகளில் வெற்றிபெற்ற போதிலும் காலியிறுதிக் குதகுதி பெறாமல் வெளியேறும் முதலாவது அணியாக ஜப்பான் பதிவாகியுள்ளது. கிங்சோமில் நடைபெற்ற நான்காவதும் இறுதியுமான குழுநிலைப் போட்டியில் அமெரிக்காவை எதிர்கொண்ட ஜப்பான் 28 க்கு 18 என்ற புள்ளிகள் கணக்கில் வெற்றிபெற்றது. பி குழுவில் நடைபெற்ற இந்தப் போட்டியின் முதல்பாதியில் 17 க்கு 8 என்ற புள்ளிகள் கணக்கில் ஜப்பான் முன்னிலை பெற்றிருந்தது இரண்டாவது பாதியிலும் சிறப்பாக செயற்பட்ட ஜப்பான் அணி மேலதிகமாக 11 புள்ளிகளைப் பெற்றதுடன், அமெரிக்க அணியால் 10 புள்ளிகளையே பெற முடிந்தது. போட்டியின் இறுதியில் 28 க்கு 18 என்ற புள்ளிகள் கணக்கில் ஜப்பான் அணி வெற்றிபெற்றது. குழுநிலையில் தனது முதலாவது போட்டியில் பலம் வாய்ந்த தென்னாபிரிக்க அணியை தோற்கடித்து அனைவரினதும் கவனத்தை ஜப்பான் ஈர்த்திருந்தது. இந்த நிலையில் சமோவா மற்றும் அமெரிக்க அணிகளை ஜப்பான் அணி வெற்றிகொண்ட போதிலும் ஸ்கொட்லாந்து அணிக்கெதிரான போட்டியில் அதிகபுள்ளிவித்தியசாத்தில் ஜப்பான் அணி தோல்வி அடைந்திருந்தது. இதன்மூலம் குழுநிலையில் மூன்றாவது இடத்தைப் பெற்ற ஜப்பான் அணி காலிறுதிக்கு தகுதி பெறும் வாய்ப்பை தவறவிட்டது. அத்துடன் பி குழுவில் இருந்து ஜப்பானுடன், சமோவா மற்றும் அமெரிக்க அணிகள் உலக கிண்ண ரக்பி தொடரில் இருந்து வெளியேறியதுடன், தென்னாபிரிக்கா மற்றும் ஸ்கொட்லாந்து அணிகள் காலியிறுதிக்கு தகுதி பெற்றன.

காதலியை சுட்டுக்கொலை செய்த ஒலிம்பிக் வீரர் சிறையிலிருந்து வீட்டுக் காவலிற்கு மாற்றம்

Monday, October 19, 2015admin
asath
தனது காதலியை சுட்டுக் கொலை செய்த குற்றத்தில் சிறையில் அடைக்கப்பட்ட பராலிம்பிக் மற்றும் ஒலிம்பிக் ஓட்ட வீரரான ஒஸ்கா பிஸ்டோரியசை வீட்டுக் காவலில் வைக்குமாறு தென்னாபிரிக்க பரோல் நீதிமன்றம் உத்தரவிட்டுள்ளது. கடந்த 2013ஆம் ஆண்டில் தனது காதலியை படுகொலை செய்த குற்றச்சாட்டை ஒஸ்கா பிஸ்டோரிஸ் எதிர்கொண்டிருந்தார். இதனையடுத்து கைது செய்யப்பட்ட அவர், நீதிமன்றத்தில் முன்னிலைப்படுத்தப்பட்டபோது அவர் மீதான குற்றச்சாட்டுக்கள் நிரூபிக்கப்பட்டதால் 5 ஆண்டுகள் சிறைத்தண்டனை விதிக்கப்பட்டது. இதுவரை 12 மாதங்கள் சிறைத்தண்டனையை அனுபவித்துவந்த ஒஸ்கா பிஸ்டோரியஸ் சிறையிலிருந்து விடுவித்து, எதிர்வரும் செவ்வாய்க்கிழமையிலிருந்து வீட்டுக் காவலில் வைக்குமாறு உத்தரவிடப்பட்டுள்ளது. இரண்டு கால்களிலும், முழங்காலிற்கு கீழ்ப் பகுதியை இழந்த அவர், கடந்த 2012ஆம் ஆண்டு லண்டனில் நடைபெற்ற ஒலிம்பிக் போட்டியில் இரும்பினாலான கால்களைப் பொருத்தியே கலந்துகொண்டிருந்தார்.

இங்கிலாந்து – பாகிஸ்தானுக்கு இடையிலான முதலாவது டெஸ்ட் சமநிலையில் நிறைவு

Monday, October 19, 2015admin
asath
பாகிஸ்தான் அணிக்கெதிரான முதலாவது டெஸ்ட் கிரிக்கெட் போட்டியில் வெற்றிபெறுவதை இங்கிலாந்து அணி மயிரிழையில் தவறவிட்டுள்ளது. அபுதாபியில் நடைபெற்ற இந்தப் போட்டியின் இன்றைய இறுதி நாளில் 99 ஓட்டங்கள் என்ற வெற்றியிலக்கை நோக்கி பதிலுக்கு துடுப்பெடுத்தாடிய இங்கிலாந்து அணி போட்டி முடிவுக்கு கொண்டுவரப்பட்ட போது 4 விக்கெட் இழப்பிற்கு 74 ஓட்டங்களைப் பெற்றிருந்தது. போதிய வெளிச்சமின்மை காரணமாக போட்டி வெற்றிதோல்வியின்றி நிறைவடைந்திருந்தது. போட்டியில் தனது முதல் இன்னிங்ஸ்சில் துடுப்பெடுத்தாடிய பாகிஸ்தான் அணி 8 விக்கெட் இழப்பிற்கு 523 ஓட்டங்களைப் பெற்றிருந்த நிலையில் ஆட்டத்தை இடைநிறுத்தியது. பதிலுக்கு தனது முதல் இன்னிஸ்சில் துடுப்பெடுத்தாடிய இங்கிலாந்து அணி 9 விக்கெட் இழப்பிற்கு 598 ஓட்டங்களைப் பெற்றுக்கொண்டது. 75 ஓட்டங்கள் பின்தங்கிய நிலையில் இரண்டாம் இன்னிங்ஸ்சை ஆரம்பித்த பாகிஸ்தான் அணி, இங்கிலாந்து அணியின் பந்துவீச்சை சமாளிக்க தடுமாறியது. இறுதியில் பாகிஸ்தான் அணி 173 ஓட்டங்களுக்கு அனைத்து விக்கெட்டுக்களையும் பறிகொடுத்து. அதிகபட்சமாக மிஸ்பா உல் ஹக் 51 ஓட்டங்களையும் யூனூஸ் கான் 45 ஓட்டங்களையும் பெற்றதுடன், ஆதில் ரஷீட் ஐந்து விக்கெட்டுக்களைக் கைப்பற்றினார். இதனையடுத்து 99 ஓட்டங்கள் என்ற வெற்றியிலக்கை நோக்கி பதிலுக்கு துடுப்பெடுத்தாட ஆரம்பித்த இங்கிலாந்து அணி 9 தசம்2 ஓவர்களில் 4 விக்கெட் இழப்பிற்கு 74 ஓட்டங்களைப் பெற்றிருந்த நிலையில் போதிய வெளிச்சமின்மை காரணமாக போட்டி முடிவுக்கு கொண்டுவரப்பட்டுள்ளது. ஜோ ரூட் ஆட்டமிழக்காமல் 33 ஓட்டங்களைப் பெற்றிருந்ததுடன், சுல்பிக்கார் பாபர் மற்றும் சொஹைய்ப் மாலீக் ஆகியோர் தலா இரண்டு விக்கெட்டுக்களைக் கைப்பற்றினர். முதல் இன்னிங்ஸ்சில் 263 ஓட்டங்களைப் பெற்ற இங்கிலாந்து அணித் தலைவர் அலிஸ்யெடார் குக், போட்டியின் சிறப்பாட்டகாரராக தெரிவுசெய்யப்பட்டதுடன், மூன்று போட்டிகளைக் கொண்ட இந்த தொடரின் 2 ஆவது போட்டி எதிர்வரும் 22 ஆம் திகதி டுபாயில் ஆரம்பமாகவுள்ளது.

நடுவானில் விமானத்தின் எஞ்ஜினில் வெளியேறிய தீ ; காப்பாற்றப்பட்டனர் பயணிகள்

Saturday, September 19, 2015admin
asath
நடுவானில் பறந்துகொண்டிருந்த விமானத்தின் எஞ்ஜின் பகுதியில் வெளியான தீயை அடுத்து மன்செஸ்டர் விமான நிலையத்தில் குறித்த விமானம் பாதுகாப்பாக தரையிற� …