வடபகுதி தமிழர்களின் பிரச்சினை குறித்து மோடியிடம் தெரிவிக்கப்படும்

Wednesday, January 13, 2016admin
asath

வடபகுதி தமிழ் மக்களின் பிரச்சினைகள் குறித்து இந்திய பிரதமர் நரேந்திர மோடியிடம் விளக்கமளிக்கப்படவுள்ளது.

இலங்கை;ககு விஜயம் மேற்கொண்டுள்ள இந்திய வெளிவிவகார செயலாளர் எஸ் ஜெய்சங்கர், இன்றைய தினம் தமிழ் தேசிய கூட்டமைப்பை சந்தித்த போது இந்த உறுதி மொழியை வழங்கியுள்ளார்

இலங்கை அரசாங்கத்துடனும் குறுகிய பேச்சுவார்த்தை நடத்தியிருந்த ஜெய்சங்கர், வெளிவிவகார அமைச்சர் சுஸ்மா சுவராஜ்ஜின் விஜயத்திற்கான ஏற்பாடுகளையும் மேற்கொண்டுள்ளார்.

இந்த நிலையில் தமிழ் தேசிய கூட்டமைப்புடன் இன்று நடைபெற்ற சந்திப்பில், புதிய அரசியலமைப்பு உருவாக்க நகர்வுள், வடபகுதியில் காணப்படும் இராணுவ பிரசன்னம் மற்றும் தமிழ் மக்களுக்கான அரசியல் தீர்வின் தேவை போன்ற விடயங்கள் கலந்துரையாடப்பட்டன.

தமிழர்களின் பிரச்சினை குறித்து நரேந்திர மோடிக்கு தெளிவுபடுத்துவதாக இந்திய வெளிவிவகார செயலாளர் எஸ் ஜெய்சங்கர் இதன்போது உறுதி வழங்கியுள்ளார்;.

ஜேர்மனியில் குடியேற்றவாசிகள் தொடர்பான சட்டங்களை கடுமையாக நடவடிக்கை

Saturday, January 9, 2016admin
asath

ஜேர்மன் அதிபர் ஏங்கலா மேர்கல் குடியேற்றவாசிகள் தொடர்பான கடுமையான சட்டங்களை முன்மொழிந்துள்ளார்.

குற்றமிழைப்பவர்களை இலகுவாக நாடு கடத்தும் வகையில் இந்த முன்மொழிவுகள் சமர்ப்பிக்கப்பட்டுள்ளன.

புதுவருடத்திற்கு முன்னதாக கொலோன்ஜே பகுதியில் 50 க்கும் அதிகமான பெண்கள் மீது பாலியல் ரீதியான தாக்குதல் நடத்தப்பட்டதை தொடர்;ந்து இந்த நடவடிக்கை மேற்கொள்ளப்பட்டுள்ளது.

வட ஆபிரிக்கா மற்றும் அரபு நாடுகளைச் சேர்ந்தவர்களே இந்த நடவடிக்கையில் ஈடுபட்டதாக பாதிக்கப்பட்டவர்கள் கூறியுள்ளனர்.

அத்துடன் அகதிகளை வரவேற்கும் ஏங்கலா மேர்கலின் கொள்கை குறித்தும் அவர்கள் கேள்வி எழுப்பியுள்ளனர்.

இந்த சம்பவத்தை பொலிஸார் கையாளும் விதம் தொடர்பிலும் விமர்சனங்கள் முன்வைக்கப்பட்டுள்ளன.

கொலோன்ஜே பகுதியில் நடத்தப்பட்ட குடியேற்றத்திற்கு எதிரான ஆர்பாட்டங்களின் போது மோதல்கள் ஏற்பட்டதாக ஜேர்மன் தகவல்கள் குறிப்பிடுகின்றன.